Kuvendi i Kosovës ka rrëzuar propozimin për formimin e qeverisë së re me Glauk Konjufcën si kandidat për kryeministër. Vetëm 56 deputetë votuan pro, 4 abstenuan dhe 53 u shprehën kundër, duke pamundësuar krijimin e kabinetit të ri të propozuar nga Lëvizja Vetëvendosje.
Me dështimin e votimit, vendi tashmë i drejtohet zgjedhjeve të parakohshme parlamentare.
Konjufca është figura e dytë e Vetëvendosjes që tenton të formojë qeverinë pas Albin Kurtit, por partitë opozitare deklaruan se nuk do ta mbështesnin, duke kërkuar zgjedhje të reja.
Para votimit, Konjufca paralajmëroi se refuzimi i krijimit të qeverisë do ta thellojë më tej krizën politike në vend.
