Lëvizja Vetëvendosje nuk ka arritur as në tentativën e radhës të sigurojë votat e mjaftueshme për zgjedhjen e kryetarit të Kuvendit të Kosovës. Hekuran Murati, i propozuar për herë të dytë, dhe Arbëria Nagavci, në kandidimin e saj të parë për këtë post, nuk morën mbështetjen e nevojshme prej 61 votash.
Pas dështimit të dy kandidatëve, LVV partia fituese e zgjedhjeve të 9 shkurtit, propozoi deputetin Dimal Basha si alternativë për postin e kryeparlamentarit.
Ndërkohë, përfaqësues të partive që ishin në opozitë në mandatin e kaluar u shprehën sërish kundër mbështetjes së ndonjë kandidati nga LVV. Deputetja e PDK-së, Ganimete Musliu, deklaroi se nuk do të votojë asnjë emër të propozuar nga kjo parti, duke e akuzuar LVV-në se po e mban peng shtetin që nga përfundimi i zgjedhjeve.
Ky zhvillim ndodhi gjatë vazhdimit të tretë të seancës konstituive të Kuvendit, që pas publikimit të aktgjykimit të plotë të Gjykatës Kushtetuese më 18 gusht.
