Bashkimi Evropian ka shprehur keqardhje të martën për anulimin e takimit të Bërdo-Brionit, i cili ishte parashikuar të mbahej në maj.
Presidenti i Kroacisë, Zoran Millanoviq, e anuloi takimin e Bërdo-Brionit, i cili duhej të mbahej në maj, duke thënë se tani për tani nuk janë kushtet për ardhjen e presidentit të Serbisë, Aleksandar Vuçiq, në Kroaci.
‘Marrëdhëniet e fqinjësisë së mirë janë në thelb të procesit të integrimit evropian dhe përbëjnë pjesë thelbësore të rrugës së Serbisë drejt BE-së. Ato kontribuojnë në stabilitet, pajtim dhe në krijimin e një klime që favorizon zgjidhjen e çështjeve të hapura dypalëshe dhe trashëgimisë të së kaluarës”, tha Komisioni Evropian.
