Zgjedhjet nuk i dhanë mandat, Rama emëron Xhemal Qefalinë si zëvendësministër i Brendshëm

Xhemal Qefalia

Ish-deputeti i Partisë Socialiste, Xhemal Qefalia, është emëruar zëvendësministër i Brendshëm.

Xhemal Qefalia kandidoi në zgjedhjet parlamentare të 11 majit, por nuk arriti të siguronte votat e nevojshme për t’u rikthyer në Kuvend.

Kështu, Rama ka menduar t’i gjejë një vend pune, duke e bërë zëvendës të ministres Albana Koçiu. Kjo e fundit ndodhet në një situatë të vështirë pas atentatit në Rinas, ku jo vetëm rrëzoi deklaratat e saj për sigurinë në Komision, por faktoi edhe një herë se pjesëtarë të strukturave policore kanë lidhje me krimin e organizuar.

Ky është rasti i radhës që kryeministri shpërblen ish-deputetët, duke i emëruar ata në poste drejtuese ose si zv.ministra, dhe duke e kthyer kështu administratën publike në një strehë të sigurt për socialistët.