Rreth një muaj larg ditës së mbajtjes së zgjedhjeve të pjesshme në 6 bashki, Partia Demokratike dhe opozita akoma nuk ka emra kandidatësh për garën elektorale. Sot, pasdite, në mbledhjen e Kryesisë së PD është diskutuar sërish mbi kandidatët dhe mesa duket formula që pritet të aplikohet në këtë zgjedhje janë figurat e pavarura. Selia blu do të mbështesë një kandidat të pavarur i cili shprehet publikisht që do të jetë kandidat. Do regjistrohet i pavarur dhe publikisht do mbështetet nga koalicioni opozitar. Në Komisionin Qendror të Zgjrdhjeve do të jetë i pavarur. Konfirmimi ka ardhur nga kryedemokrati Sali Berisha i cili tha se PD do të konsiderojë me seriozitetin më të madh kandidatë të pavarur që do të tregojnë interes për këto zgjedhje.
"PD vlerëson dhe çmon shumë kandidaturat e pavarura. Do konsiderojmë me seriozitetin më të madh kandidatë të pavarur të cilët garojnë si të tillë dhe që konsiderohen të nevojshëm për fitoren e tyre, mbështetjen e PD. Besoj se në një valë me këtë nga diskutimet paraprake janë edhe forcat e tjera opozitare”, tha Berisha.
Gjithashtu kreu i PD-së, tha se u ka dhënë kohë dy ditë kandidatëve të pavarur që të shprehin interesin e tyre për të garuar.
I pyetur nga gazetarët nëse janë djegur tre emrat e publikuar për Tiranën, përkatësisht Edlira Çepani, Ermal Hasimja dhe Florian Haçkaj, Berisha la të kuptohet se janë figura jo krejtësisht të pavarura por emra të propozuar nga aleatët. Ndaj ai bëri thirrje elitës dhe intelektualëve të këtyre qyteteve të vetë propozohen si kandidatë të pavarur dhe të marrin mbështjetjen e opozitës. Disi e paqartë kjo formulë dhe zgjidhje e momentit të fundit të PD dhe opozitës, në këto zgjedhje.
