Pas deklaratës që ndezi debat deputeti demokrat Besard Xhaferri është tërhequr nga qëndrimi i tij se “Berisha duhet të largohet në 2026 nëse nuk përsëriten zgjedhjet”.
Në A2 CNN, Xhaferri e quajti gjithë zhurmën “një debat artificial”, duke theksuar se nuk ka asnjë rebelim dhe se marrëdhënia me Sali Berishën është e pandryshuar.
“Nuk ka pasur asnjë zemërim nga kryetari. Më kanë kontaktuar, i kam sqaruar gjithçka. Do të vazhdoj të punoj pa ndalim me Sali Berishën për të rrëzuar Edi Ramën”, – tha ai.
Deputeti demokrat shtoi se Berisha është dhe mbetet më i miri për të udhëhequr PD-në, ndërsa theksoi se çështja kryesore nuk është rikandidimi i tij, por farsa elektorale e 11 majit, që sipas tij duhet të kthehet në kauzë kombëtare dhe ndërkombëtare.
“Rigarimi i Berishës është vendim i tij dhe i anëtarësisë. Tema parësore është përsëritja e zgjedhjeve, jo debatet e kota”, – theksoi Xhaferri, duke mbyllur çdo dyshim mbi qëndrimin e tij politik.
