Në Apelin e Posaçëm do të zhvillohet një seancë gjyqësore lidhur me një kërkesë të Erion Veliajt, që kundërshton një vendim të ndërmjetëm të GJKKO për pezullimin e afateve të paraburgimit.
Ky vendim u mor në një nga seancat, e cila u shty për shkak të mungesës së një avokati.
Por Veliaj pretendon se nuk u bë shkak ai për shtyrjen e seancës gjyqësore, ndaj e kundërshton vendimin për pezullim të afateve. Kryebashkiaku i Tiranës ndodhet në paraburgim pasi është i pandehur për 13 akuza të rënda penale.
