Ilir Alimehmeti, që mesa duket ka marrë frenat e Partisë Demokratike në Tiranë, ka zhvilluar sot një takim me demokratët e degës nr. 14 në kryeqytet.
“Mirmbrema Florinj”, shkruan Alimehmeti në statusin e tij, të shoqëruar me foto ku në krah ndodhen Sekretari i Përgjithshëm Flamur Noka dhe deputeti Edi Paloka.
Takimi elektoral duket të ketë shkuar për së mbari, përveç një detaji që ka rënë menjëherë në sy.
Edhe pse në status flitet për kandidatin e mbështetur nga opozita, Florian Binaj, ky i fundit nuk duket në asnjë nga fotot e publikuara. Mesa duket, kompleksi për t’u fshehur pas gishtit me gjetjen e një kandidati të pavarur po e çon PD-në në strategjinë e “fshehjes” së kandidatit.
Florian Binaj ose është retushuar nga fotot, ose ka qenë vetë ai që i ka shkrepur ato.
Përndryshe, nëse ka qenë vërtet një takim për kandidatin, do të ishte hera e parë që një forcë politike në Shqipëri shpik një format të tillë absurd: takim elektoral pa figurën kryesore të garës.
Për momentin, mbetet i paqartë një detaj thelbësor: a është Florian Binaj pjesë e fushatës apo thjesht një emër që PD përmend me shpresën se do të votohet nga demokratët pa shkuar në takime me ta?
https://www.facebook.com/share/p/1BUiFyV84M/
