Sot në Gjykatën e Posaçme do të zhvillohet seanca për dosjen “Partizani” me të pandehur kryesor ish-kryeministrin Sali Berisha si dhe dhëndrrin e tij Jamarbër Malltezi.
Të pandehur janë dhe disa biznesmenë. Avokatët do të paraqesin sot kërkesat e tyre paraprake, ku do të listojnë dhe emrat e dëshmitarëve. Ndërsa vetë Berisha do të paraqitet në SPAK me zbatim të vendimit të Gjykatës që ka caktuar masën e sigurisë ’detyrim për paraqitje”. Berisha akuzohet për korrupsion kryer në bashkëpunim, ndërsa dhëndrri i tij për korrupsion e pastrim parash.
