Seanca paraprake në Gjykatën e Posaçme kundër Korrupsionit dhe Krimit të Organizuar (GJKKO) për ish-kryetarin e Bashkisë së Tiranës, Erion Veliaj, është shtyrë për në datën 12 nëntor. Shkak për shtyrjen u bë mungesa e njërit prej avokatëve mbrojtës.
Gjatë seancës së sotme, gjykata legjitimoi avokatin e ri të Veliajt, Artan Gjermeni, i cili do të jetë pjesë e ekipit mbrojtës së bashku me Ermir Betën. Gjermeni kërkoi kohë shtesë për t’u njohur me aktet e dosjes.
Veliaj akuzohet nga SPAK për nëntë raste korrupsioni, pastrim parash, mosdeklarim pasurie, shpërdorim detyre dhe futje të sendeve të ndaluara në qeli.
Në këtë dosje është përfshirë edhe bashkëshortja e tij, Ajola Xoxa, e cila akuzohet për korrupsion pasiv në nëntë raste, si dhe për pastrim parash, mosdeklarim pasurie dhe fshehje të të ardhurave, në lidhje me marrëdhënie me subjekte tregtare dhe organizata jofitimprurëse.
