Përmes një deklarate para Gjykatës Kushtetuese, Agron Shehaj akuzoi kryeministrin Edi Rama se po përdor këtë institucion për të goditur Prokurorinë e Posaçme dhe për të mbrojtur të korruptuarit.
“Përplasja Rama–SPAK arriti në një nivel tjetër. Rama tani përdori si armë Gjykatën Kushtetuese për të goditur SPAK-un dhe për të mbrojtur të korruptuarit”, deklaroi Shehaj.
Por në këtë analizë ka një keqkuptim thelbësor. Vendimi i Kushtetueses nuk është automatikisht një avantazh për Ramën. Përkundrazi, ai krijon një barrë të re politike: një situatë ku kryeministri duhet të menaxhojë kryeqytetin me kryetarin e tij në burg, një tablo që nuk shkon aspak në favor të pushtetit në kushtet e një klime të tensionuar publike dhe institucionale.
-
Rama: Nxirrni Veliajn nga burgu
4 Nëntor, 12:07
Shehaj duket se nuk ka llogaritur se kriza e Veliajt nuk e dobëson drejtësinë, por e ekspozon edhe më shumë qeverinë përballë përgjegjësive. Rama nuk po fiton terren — thjesht është i detyruar të administrojë një situatë politike të vështirë, ndërsa opozita ende nuk ka arritur të kthejë dobësinë e saj në alternativë serioze.
Në këtë kontekst, përplasja mes institucioneve nuk është prova e triumfit të kryeministrit, por shenja e një sistemi që më në fund po i vendos barrë dhe kosto pushtetit. Dhe pikërisht këtu qëndron realiteti që Shehaj duket se i ka shpëtuar.
