Kreu i Partisë Mundësia, Agron Shehaj e ka cilësuar të pavërtet lajmin se mes Partisë Demokratike dhe Partisë Socialiste është arritur një marrëveshje për anëtarët e Komisionit për Reformën Zgjedhore.
Në një intervistë për News24, Shehaj tha se askush nuk e ka kontaktuar dhe se nuk është arritur asnjë marrëveshje mes palëve.
Ai gjithashtu insistoi se partive të vogla u takon një vend në tryezë.
“Ju nga jeni në dijeni që është arritur kjo dakordësi? Është lajm fake kudo. Mediat e sponsorizuara e kanbë dhënë. Është lajm fake. Na kanë marrë dhe foton e Tom Doshit, dhe kanë vënë foton time. Dhe thonë se këta të dy janë njësoj. Kjo është fake, Është propagandë. Të gjitha mediat, me dijeni apo pa dijeni, përtojnë që të kontrollojnë dhe e marrin të mirëqenë. Ky është një lajm totalisht fake. Është gënjeshtër. Këta thonë; u martuan dhe ne që jemi pjesë, s’dimë gjë. Janë llafe koti, e gjithë kuzhina e propagandës që thonë këtë gjë. Nuk ka marrëveshje për këtë gjë, neve na takon një vend në tryezën e Reformës Zgjedhore”, tha Shehaj.
