Ka nisur sot seanca plenare në Kuvendin e Shqipërisë, ku u betuan deputetët e opozitës Albana Vokshi, Fatmir Mediu dhe Oerd Bylykbashi, Jozefina Topalli
Në rend dite janë miratimi i procesverbalit të seancave të 12 shtatorit, zgjedhja e zëvendëskryetarëve të Kuvendit dhe e sekretariateve të Byrosë.
Kryetari i Kuvendit Niko Peleshi shpalli përbërjen e Këshillit të Imunitetit, ku bëjnë pjesë Taulant Balla, Ulsi Manja, Bledi Çuçi, Bledi Çomo, Gazment Bardhi, Oerd Bylykbashi, Elda Hoti, Gent Strazimiri dhe Sajmir Korreshi. Ndërsa si zëvendësues janë caktuar Antoneta Dhima, Arkend Balla, Ivi Kaso dhe Greta Bardeli.
Në Këshillin e Legjislacionit u emëruan Fatmir Xhafaj, Damian Gjiknuri, Olsi Komici, Erjon Malaj, Aulona Bylykbashi, Ivi Kaso, Arjan Ndoji, Gjin Gjoni, Greta Bardeli dhe Blendi Himci. Zëvendësues janë Ani Dyrmishi, Erjona Ismaili, Oerd Bylykbashi dhe Gazment Bardhi.
Kreu i grupit të PS-së, Taulant Balla, deklaroi se mazhoranca do të propozojë nisjen e reformës zgjedhore, duke shtuar se opozita ka rol të pazëvendësueshëm dhe do të drejtojë komisionet e arsimit, shëndetësisë dhe të drejtave të njeriut.
