Kuvendi i ri i Shqipërisë çeli sot punimet me një fjalim të deputetit socialist Vasil Llajo, i cili theksoi përgjegjësinë historike të kësaj legjislature, duke u bërë thirrje deputetëve për unitet dhe përgjegjësi në përfaqësimin e qytetarëve.
Ndërkohë, opozita zgjodhi të shfaqë pakënaqësinë e saj ndaj kabinetit të ri qeveritar, të prezantuar një ditë më parë nga kryeministri Edi Rama. Deputetët e Partisë Demokratike morën pjesë në seancë, por protestuan duke mbajtur pankarta dhe foto të ministrave të rinj.
Ky veprim pasoi vendimin e Kryesisë së PD për të marrë pjesë në hapjen e punimeve të Kuvendit, ndërsa tensioni politik mes shumicës dhe opozitës pritet të shoqërojë edhe seancat e ardhshme.
