Kreu i Partisë Demokratike, Sali Berisha, para gazetarëve komentoi protestën e radhës që do të mbahet më 28 shkurt, duke paralajmëruar se ajo do të jetë ndryshe dhe kreative.
Berisha nuk përjashtoi mundësinë e bllokimit të rrugëve, teksa u shpreh se po eksplorohen forma të ndryshme protestash dhe se opsionet janë të gjitha në konsideratë. Ai shtoi se protestat do të diversifikohen dhe do të ketë kreativitet në mënyrën e zhvillimit të tyre.
“Ne tani kalojmë në forma të ndryshme protestash, i diversifikojmë, kemi kreativitet. Do eksplorohen forma të reja,” tha Berisha, duke theksuar se qëllimi mbetet vetëm protestë pa përjashtuar asnjë mundësi.
