Ministrja e Financave, Delina Ibrahimaj, deklaroi sot se efektet e rritjes së çmimit të naftës, të shkaktuar nga konflikti SHBA-Izrael-Iran, kanë prekur vetëm kategorinë e perimeve, ndërsa çmimet e ushqimeve të tjera kanë mbetur të pandryshuara.
“Rritja ka ndodhur vetëm te perimet. Në të gjitha produktet e tjera ushqimore nuk ka pasur rritje çmimesh,” u shpreh ministrja në një konferencë pas mbledhjes së qeverisë.
Ibrahimaj tha se situata po monitorohet në baza ditore dhe se aktualisht çmimet e mbi 80 produkteve të shportës rezultojnë të qëndrueshme. Ajo theksoi se inflacioni ka zbritur në nivelin 2.6%, duke e cilësuar si një tregues të kontrolluar.
“Lufta nuk është në dorën e Shqipërisë për t’u frenuar, por ne jemi këtu që pasojat të kenë ndikim minimal në ekonominë shqiptare,” theksoi ministrja.
