Nuk mund të hyjmë në vallen e dorëheqjeve automatike sa herë drejtësia ngre një akuzë. Drejtësia të bëjë punën e vet, ne tonën.”
Me këtë qëndrim, Edi Rama u shpreh në mbledhjen e grupit parlamentar të PS lidhur me çështjen e Belinda Ballukut dhe procesin e nisur në Parlament.
Kryeministri theksoi se nuk do të përfshihet në procesin parlamentar deri në daljen e raportit të Këshillit të Imunitetit, duke shtuar se më pas do të japë fjalën e tij.
Ai zbuloi gjithashtu se idenë e dorëheqjes së Ballukut e ka refuzuar personalisht dhe në mënyrë kategorike. “Ballukut ia kam hedhur unë poshtë kategorikisht idenë e dorëheqjes, në të treja herët”, deklaroi Rama.
Sipas tij, ngritja e një akuze nuk mund të prodhojë automatikisht dorëheqje politike, ndërsa theksoi ndarjen mes procesit të drejtësisë dhe vendimmarrjes politike.
