Kryeministri Edi Rama po zhvillon një takim në Kryeministri me kryetarin e Kuvendit, Niko Peleshi, kreun e grupit parlamentar të Partisë Socialiste, Taulant Balla, si dhe kryetarët e komisioneve parlamentare.
Ende nuk janë bërë të ditura arsyet zyrtare të këtij takimi, por ai zhvillohet në një moment kur projektbuxheti për vitin 2026 ka mbërritur në Kuvend dhe pritet të nisë shqyrtimi në komisionet parlamentare, përpara se të kalojë në seancë plenare.
Takimi shihet si pjesë e konsultimeve politike të mazhorancës për koordinimin e qëndrimeve dhe strategjisë gjatë diskutimeve për buxhetin.
Ndërkohë, gjatë ditës së sotme pritet të zhvillohet edhe mbledhja e radhës e Këshillit të Ministrave.
