Kryeministri Edi Rama ka emëruar ish-kryebashkiakun e Vlorës, Ermal Dredha, si ambasador në Zvicër. Zyrtarizimi i kandidaturës së tij pritet të bëhet pas përfundimit të të gjitha procedurave.
Dredha është socialisti i radhës që Rama i ka siguruar një vend pune tjetër, pas dorëheqjes së tij nga kryebashkiak, e cila erdhi pas një vale kritikash nga kryeministri për mbarëvajtjen e punëve në qytet.
Para dorëheqjes së Dredhës, të gjithë drejtorët e Bashkisë së Vlorës dhanë dorëheqjen, gjithashtu me kërkesë të Ramës.
Me këtë emërim, Dredha i rikthehet detyrave diplomatike, ndërsa kryeministri duket se vazhdon të përdorë institucionet e shtetit si “strehë” për socialistët.
