Kryeministri Edi Rama, në një deklaratë për mediat pas konferencës së përbashkët me komisioneren e BE Marta Kos, u ndal te vendimi për pezullimin e zv.kryeministres dhe ministres së Infrastrukturës, Belinda Balluku.
Rama tha se qeveria do të kërkojë mbrojtjen e funksionimit të saj vetëm përmes institucioneve të drejtësisë, përfshirë edhe Gjykatën Kushtetuese.
“Këta jemi ne. Ky jam unë. Dhe kështu do jetë deri në fund, kur të kem privilegjin të udhëheq Shqipërinë drejt anëtarësimit në BE. Do ta ruajmë pavarësinë e gjyqësorit dhe do e respektojmë vendimin e pezullimt të ministres dhe do kërkojmë mbrojtjen e funksionimit të cenuar të qeverisë vetëm tek drejtësia, në Gjykatën Kushtetuese.
Rama theksoi se mazhoranca nuk do të përfshihet në asnjë betejë politike apo retorike me organet e drejtësisë, duke nënvizuar se vendimi i tyre do të respektohet plotësisht.
Mbrojtja e pavarësisë së re dhe jo të përkohshme është prioriteti ynë absolut,” u shpreh Rama.
