Në Spitalin Onkologjik pranë QSUT-së, ku trajtohen pacientë me kancer nga i gjithë vendi, situata vijon të jetë problematike.
Të sëmurët përballen çdo ditë me radhë të gjata pritjeje dhe shpesh detyrohen të qëndrojnë jashtë ambienteve të spitalit, pasi brenda mungojnë kushtet minimale — si stola dhe hapësira të mjaftueshme për t’u ulur.
Kjo gjendje e vështirë e rëndon edhe më shumë përballjen e tyre me sëmundjen, në një kohë kur ata kanë nevojë për kujdes, dinjitet dhe mbështetje, jo për lodhje dhe pritje në këmbë.
