Partia Socialiste ka marrë fitore të thella në të gjitha bashkitë ku u votua të dielën, në zgjedhjet me pjesëmarrjen më të ulët në histori – vetëm 18.45% e votuesve.
Në Vlorë, Burnilda Mersini fitoi me 78.4%, ndërsa dy kandidatët opozitarë, Dionis Sota dhe Gjergji Nika, ndanë mbetjet e votave mes tyre.
Në Berat, Ervin Ceca i PS mori 83.3%, duke lënë shumë pas rivalin e mbështetur nga PD, Pavlo Shkarpa me vetëm 16.6%.
Në Cërrik, Florenc Doka fitoi me 66%, në Tepelenë Gramos Sako me 77.8%, ndërsa në Mat avantazhin e mban Altin Bojini me 67.8%, përballë Eduart Brahilikës që ka marrë 27%.
Në fund, zgjedhjet që duhej të matnin forcat politike, treguan një realitet tjetër: shqiptarët zgjodhën të mos votojnë.
