Pas protestës së opozitës të zhvilluar ditën e sotme përpara Kryeministrisë, janë shoqëruar nga Policia e Shtetit tre persona, ndërsa raportohet për disa të lënduar.
Sipas informacioneve paraprake, gjatë përplasjeve janë dëmtuar dy persona civilë. Njëri prej tyre ka pësuar djegie, ndërsa tjetri, një fotograf, është lënduar lehtë gjatë ushtrimit të detyrës. Po ashtu, raportohet se dy efektivë policie kanë mbetur të lënduar gjatë tensioneve të krijuara në protestë.
