Partia Demokratike pritet të protestojë sërish pasditen e sotme përballë kryeministrisë. Mësohet se protesta e pestë kombëtare e opozitës nuk do të ketë fjalime, por demokratët do flasin më shumë me akte.
Ndryshe nga protestat e mëparshme në Bulevardin Dëshmorët e Kombit qarkullimi i automjeteve vijon normalisht, ndërkohë që organizatorët e protestës së PD nuk kanë vendosur podium.
Dyert e Kryeministrisë janë blinduar, ndërkohë është mbuluar dhe stalacioni i dritave. Rreth Kryeministrisë po vendoset gardh metalik.
Policia më herët ka njoftuar se nuk do të marrë masa për mbarëvajtjen e protestës, por vetëm për rendin dhe sigurinë publike në qytetin e Tiranës.
