Grupi parlamentar i Partisë Demokratike vendosi të protestojë në një mënyrë të pazakontë ndaj kryeministrit Edi Rama gjatë seancës për buxhetin e vitit të ardhshëm. Kur Rama mori fjalën, disa deputetë të opozitës u ngritën dhe i kthyen kurrizin kreut të qeverisë.
Megjithatë, reagimi nuk ishte uniform. Greta Bardeli qëndroi e palëvizur në karrigen e saj, përballë kryeministrit, ndërsa Jozefina Topalli lëvizi vetëm pak, pa i kthyer kurrizin. Më vonë, të dyja deputetet u larguan nga salla e Kuvendit, duke treguar se jo të gjithë në grupin parlamentar ishin dakord me këtë formë proteste.
