Kreu i Lëvizjes “Shqipëria Bëhet”, Adriatik Lapaj, është përfshirë mbrëmjen e sotme në një përplasje me efektivët e Policisë së Shtetit gjatë protestës që ai po zhvillon para godinës së Kryeministrisë.
Gjatë mbrëmjes së sotme, situata është tensionuar ndërkohë që Lapaj së bashku me disa protestues kishin vendosur çadra përpara Kryeministrisë, me qëllim që të qëndronin gjatë natës. Forcat e policisë iu afruan duke u kërkuar që të largonin çadrat, me arsyetimin se ato pengonin qarkullimin në hapësirë publike. Në këtë moment ka pasur tensione dhe mosmarrëveshje midis protestuesve dhe efektivëve të rendit, të cilët kanë ndërhyrë duke hequr çadrat.
