Policia dhe mbështetësit e Adriatik Lapajt janë përplasur sërish përpara Kryeministrisë, gjatë përgatitjeve për protestën e Partisë Demokratike. Tensionet filluan kur policia po merrte masa për të vendosur perimetrin e sigurisë në zonë.
Gjatë përplasjes, një nga protestuesit ka pësuar thyerje të këmbës, ku ka marrë ndihmë nga ambulanca dhe më pas është transportuar për në spital.
Pas vendosjes së kangjellave nga policia, Adriatik Lapaj dhe mbështetësit e tij janë zhvendosur në një cep të Bulevardit për të liruar hapësirën për protestën e Berishës. Lapaj është shprehur se ata do të rikthehen përpara Kryeministrisë sapo të përfundojë tubimi i PD.
