Ka përfunduar takimi i kryeministrit Edi Rama me banorët e Durrësit që preken nga projekti TID, por duket se nuk është dakordësuar me të gjithë të pranishmit. Në dalje, Rama tha për mediat se është arritur dakordësia me 34 nga familjet, ndërsa u shpreh se pjesa tjetër që krijojnë sipas tij situata, janë të lidhur me Partinë Demokratike dhe kreun e saj.
“Me 34 qytetarë të Durrësit përfaqësues të familjeve kemi folur rreth 2 orë e gjysmë. Biseda ka qenë kronstruktive, me opinione të ndryshme. 35 të tjerë atje që nuk përfaqësojnë qytetarët apo qytetin por vetëm hallin e një 80 e kusur vjeçari, krijojnë situata që janë qesharake e që tregojnë ku është katandisur ajo farë partie”, tha Rama për mediat.
Por ndonëse ende ka kundërshti nga një pjesë e banorëve, kreu i qeverisë u shpreh i bindur se pavarësisht gjithçkaje projekti nuk do të ndalet dhe se do të verifikohen vetëm disa banesa të cilat dyshohet se kanë vlera kulturore.
