Pas më shumë se shtatë orësh seance, Gjykata Kushtetuese ka përfunduar shqyrtimin e jashtëzakonshëm lidhur me vlefshmërinë e shkarkimit të kryebashkiakut Erion Veliaj, një proces i nisur me vendimin e Këshillit Bashkiak, miratimin e qeverisë dhe më pas me dekretin presidencial.
Gjatë seancës, trupa gjykuese dëgjoi të gjitha palët e ftuara. Përveç Veliajt, i cili ishte prezent së bashku me avokatët e tij, në sallë ishin edhe përfaqësues të kryeministrisë dhe të presidencës, të cilët dhanë pikëpamjet e tyre mbi procedurën e shkarkimit.
Veliaj pati mundësinë të mbajë fjalën e tij, ku kritikoi ashpër mënyrën se si është ndjekur procesi për shkarkimin e tij, duke përmendur edhe paraburgimin që ai ka vuajtur për më shumë se nëntë muaj pa asnjë akuzë. Në përfundim, kryetarja e trupit gjykues, Holta Zaçaj, deklaroi se Gjykata Kushtetuese do të nxjerrë një njoftim dhe vendim për shkarkimin e Veliajt brenda afatit ligjor.
