Partia Demokratike e Shqipërisë ka dalë me një deklaratë ku shpall Gardën Revolucionare të regjimit të Teheranit organizatë terroriste dhe e cilëson regjimin e Ajatollahëve si sponsorin kryesor të terrorizmit në botë.
Në deklaratë, PD dënon sulmet e Teheranit ndaj vendeve të Gjirit Persik – Arabisë Saudite, Emirateve të Bashkuara Arabe, Katarit, Kuvajtit dhe Bahrejnit – dhe shpreh solidaritet të plotë me këto vende. Demokratët deklarojnë gjithashtu mbështetje për përpjekjet e SHBA-së dhe Izraelit për përmbysjen e regjimit teokratik të Ajatollahëve.
Por deklarata ka edhe një dozë ironie politike. Partia Demokratike nuk mori pjesë në seancën e sotme të Kuvendit, ku u votua rezoluta për Iranin dhe shpalljen e IRGC si organizatë terroriste.
Kështu, ndërsa vendimi formal merrej në Parlament, PD zgjodhi ta bëjë shpalljen e saj… në oborrin e SHQUP-it.
