Partia Demokratike ka vendosur të nisë zyrtarisht procedurat parlamentare për shkarkimin e Presidentit të Republikës, Bajram Begaj, duke e akuzuar për shkelje të rëndë të Kushtetutës.
Vendimi u mor në mbledhjen e sotme të Grupit Parlamentar të PD-së, ku u theksua se veprimet e kreut të shtetit janë të pajustifikueshme dhe në kundërshtim me rolin e tij kushtetues. Veprimet e PD-së për shkarkimin e presidentit Begaj do mbështeten në pikën 2, të nenit 90 të Kushtetutës.
Megjithatë duket se opozita këtë lëvizje e bën vetëm për konsum politik. Duhet theksuar se PD nuk i ka votat e nevojshme për ta shkarkuar presidentin, pasi ligji e parashikon që kërkesa duhet të nga jo më pak se dy të tretat e të gjithë anëtarëve të tij.
PD gjithashtu paralajmëroi kërkesa për komisione hetimore për zgjedhjet e 11 majit si dhe lidhjet Rama–McGonigal. Komisione që me gjasë do të mbesin vetëm në letër, duke qenë se nuk ka gjasa të mbështeten nga mazhornca.
