Komisioni Qendror i Zgjedhjeve i është përgjigjur zyrtarisht kërkesës së deputetit Erion Braçe, duke dokumentuar historikun e tij elektoral në të gjitha proceset votuese për Kuvendin e Shqipërisë që prej vitit 1996. Dokumenti zyrtar të siguruar nga VNA, i nënshkruar nga Komisioneri Shtetëror i Zgjedhjeve, Ilirjan Celibashi, paraqet një panoramë të mbështetjes popullore për Braçen, ku spikasin shifrat e larta që ai ka siguruar në dekada.
KQZ nuk shpërndan informacion zyrtar mbi dy betejat e para elektorale të Braces, 96 dhe 97, sepse nuk ekzistonte si institucion, por jep të dhëna të plota se sa vota ka fituar deputeti kur ka kandiduar drejtpërdrejtë, ose sa ka marrë PS në zonat ku Brace ka pasur përgjegjësi.
Viti 2001: 59,08 %
Viti 2005: 40,07 %
Viti 2009: 48.3 %
Viti 2013: 45 %
Viti 2017: 57.2 %
Viti 2021: 52,8 % (15 622 vota personale)
Brace e kërkoi këtë informacion zyrtar në KQZ, pa bërë ende publik ambicien e tij për të kandiduar për Bashkinë e Tiranës vitin tjetër, ndërkohë që PS ka planifikuar Ogerta Manastirliun (të paktën sipas fjalës së fundit të thënë në publik nga Rama).
