Para takimit të planifikuar në Korçë, kryetari i Partisë Demokratike, Sali Berisha, është ndalur këtë të shtunë në Elbasan. Në rrjetet sociale janë publikuar disa video ku Berisha shfaqet së bashku me anëtarë dhe mbështetës të PD-së, duke festuar festat e fundvitit në një nga lokalet e qytetit.
Pamjet tregojnë një atmosferë të çlirët dhe festive, me momente të gëzuara gjatë një dreke miqësore të shoqëruar me muzikë dhe tinguj festivë. Në këtë takim informal kanë qenë të pranishëm drejtues lokalë të Partisë Demokratike në Elbasan, si edhe deputetë të qarkut.
Në krah të kryetarit të PD-së ishte deputeti Tomor Alizoti, ndërsa dreka u shoqërua me biseda dhe urime për festat e fundvitit mes pjesëmarrësve.
Pas drekës në Elbasan, Sali Berisha vijoi aktivitetin e tij politik në Korçë, në kuadër të turit të ashtuquajtur “Foltorja nr. 2”, ku zhvilloi takime me mbështetës dhe struktura lokale të partisë.
