Partia Demokratike ka reaguar për mungesën e saj sot në konstituimin e Komisionit të Reformës Territoriale. Sipas PD, mbledhja është vendosur në mënyrë të njëanshme nga përfaqësuesit e mazhorancës dhe se deputetët e PD nuk ishin prezentë sepse ishin në një tjetër Komision, aty ku po diskutohej për buxhetin 2026.
“Mbledhja e Komisionit është vendosur në mënyrë të njëanshme nga ana e përfaqësuesve të mazhorancës. Ndërkohë deputetët e opozitës ishin të angazhuar në komisionet parlamentare në diskutimin e buxhetit për vitin 2026”, thuhet në reagimin e PD.
Konstituimi i Komisionit për Reformën Territoriale u bë me votat e mazhorancës dhe aleatëve të opozitës, Edmond Haxhinasto i Partisë së Lirisë dhe Vangjel Dule i PBDNJ-së.
