Deputeti i PD, Bujar Leskaj, ka reaguar për deklaratën e tij në protestën në mbështetje të UÇK-së, ku shfaqej i dehur dhe shprehej se nuk pyeste për urdhrat e partisë.
Në një prononcim për Euroneës Albania, Leskaj ka shmangur komentet për deklaratën e tij dhe për “thyerjen e urdhrit”, ndërsa është shprehur se është mik me presidentin Thaçi dhe fans i presidentit Rugova. Gjithashtu, ai bën me dije se në Vlorë është duke ndërtuar një muze me emrin “Kosova”.
“Shqipëria dhe Kosova janë mbi partinë. Jam mik i Presidentit Thaçi dhe fans i Presidentit Rugova. Madje, nga dashuria për Kosovën, unë në një ndërtesë të vjetër pranë ndërtesës së flamurit në Kosovë po ngre muzeun ‘Kosova’, ku gjenden arkiva dhe suvenire nga Lidhja e Prizrenit deri sot,” ka thënë Leskaj në reagimin e tij.
Megjithatë, prezencën e tij në protestë, kur kryetari i partisë kishte dhënë sinjal të qarta që PD nuk do të merrte pjesë, dhe deklaratën që shprehej se “nuk i rr*het për urdhra”, duket se e justifikon gjendja e tij e dehur.
