Deputeti i Partisë Socialiste, Erion Braçe, ka kërkuar sqarime nga ministrja e Shëndetësisë për mosfunksionimin prej rreth katër muajsh të një qendre shëndetësore në Njësinë Administrative nr. 5, në zonën e rrugës “Irfan Tomini”.
Gjatë fjalës së tij në Parlament, Braçe u shpreh se situata është shqetësuese, pasi vendi ndodhet në pikun e sezonit të gripit dhe mijëra banorë të zonës nuk po marrin shërbim shëndetësor në kohë dhe në kushte optimale.
Ai theksoi se kërkesën për pyetje-përgjigje e ka paraqitur që më 19 janar, por deri më 3 shkurt nuk ka marrë ende përgjigje, duke shtuar se zona po hyn në muajin e pestë me shërbim shëndetësor të kufizuar.
