Një ditë pas ndryshimeve në kabinetin qeveritar, kryeministri Edi Rama ka mbledhur paraditen e kësaj të premteje qeverinë në ambientet e Kryeministrisë.
Në këtë mbledhje, për herë të fundit u ulën në tryezën e Këshillit të Ministrave Elisa Spiropali dhe Pirro Vengu, të cilët një ditë më parë u larguan nga postet që mbanin.
Siç është raportuar, gjatë mbledhjes së grupit parlamentar të Partisë Socialiste u vendos largimi nga detyra i Elisa Spiropalit, Pirro Vengut dhe Belinda Ballukut, në kuadër të riorganizimit të kabinetit qeveritar.
