Aktivistët e lëvizjes “Shqipëria Bëhet” kanë nisur sot një protestë para Kryeministrisë, duke kërkuar dorëheqjen e qeverisë. Pak minuta pas nisjes së tubimit, protestuesit janë përleshur me policinë.
Me thirrjet “Edi Rama o hajdut”, ata denoncuan situatën e rëndë sociale dhe ekonomike, si dhe aferat korruptive të qeverisë, duke kërkuar largimin e menjëhershëm të kryeministrit.
Prej disa ditësh, kreu i lëvizjes, Adriatik Lapaj, së bashku me aktivistë të tjerë, kanë qëndruar pranë selisë së qeverisë, duke paralajmëruar se nuk do të largohen nga sheshi deri në dorëheqjen e tij.
