Pas “kilometrit të fundit” të paralajmëruar nga Sali Berisha, skena politike mori një përditësim të ri numerik. Këtë herë ishte deputeti i PD-së Besart Xhaferri që nga studio e Syri TV shpalli se vendi ndodhet në “metrin e fundit” të përballjes me atë që e quan narko-regjim të instaluar nga Edi Rama.
Sipas Xhaferrit, përdorimi i ujit me presion ndaj protestuesve – përfshirë edhe ndaj vetë Berishës – është provë e një qeverie represive që kërkon të shtypë zërin qytetar. Në të njëjtën kohë, ai përmendi presionin ndërkombëtar, sinjalet nga Gjermania për integrimin në BE dhe çështjen e Belinda Balluku si tregues se fundi politik është pranë.
Nga kilometri te metri, opozita duket se po e afron gjithnjë e më shumë vijën e finishit. Pyetja që mbetet është: a po afrohet realisht fundi, apo thjesht po zvogëlohet njësia matëse e retorikës?
