Qeveria ka vendosur të heqë përfundimisht skemën e naftës falas për fermerët, një masë që prej vitesh mbështeste bujqësinë.
Për herë të parë, fermerët do të mbështeten financiarisht në bazë të sipërfaqes së punuar. Çdo bujk do të përfitojë 100 euro për çdo hektar të mbjellë, një masë që synon nxitjen e punimit të tokës, pavarësisht rritjes së kostove të prodhimit të shkaktuara edhe nga tensionet në Lindjen e Mesme.
Gjatë një konference për mediat, ministri Salla ka deklaruar se është hequr nafta falas për fermerët, por në këtë skemë ata do të kenë mundësi që të marrin mbështetje në të gjitha masat.
Do të mbështesim të gjitha aplikimet apo projektet të cilat janë investimet në sera, pemë frutore, vreshta, stalla, mekanikë bujqësore, linja e përpunimit të produkteve, akuakulturë detare dhe agroturizëm. Skema e naftës është skemë për ulje kosto prodhimi dhe është mbështetur me buxhet të drejtpërdrejtë për fermerin, me skemën e re është gjithëpërfshirëse ku mbulohen të gjithë fermerët në uljen e kostos së prodhimit”, tha ai.
