Është ndarë nga jeta ish-kryetari i Kuvendit të Shqipërisë, Servet Pëllumbi, në moshën 89-vjeçare.
Servet Pëllumbi konsiderohej një nga figurat më të rëndësishme të politikës shqiptare, me një rol të spikatur në zhvillimet politike të vendit që nga fillimi i viteve të tranzicionit.
Ai pati një karrierë të gjatë në radhët e Partisë Socialiste të Shqipërisë dhe në Kuvendin e Shqipërisë, ku mbajti edhe postin e kryetarit të Kuvendit.
Për kontributin e tij në jetën politike dhe institucionale të vendit, ai u dekorua nga presidenti Alfred Moisiu me urdhrin “Gjergj Kastriot Skënderbeu”.
Servet Pëllumbi lindi më 14 dhjetor 1936 në Korçë dhe gjatë karrierës së tij mbajti disa mandate si deputet, si dhe role kyçe në drejtimin e Kuvendit, veçanërisht në vitet e para të tranzicionit demokratik në Shqipëri.
