Në vijim të mbledhjes me dyer të mbyllura të Këshillit Kombëtar të PD, e cila po zhvillohet pa praninë e medias, Sali Berisha bëri të ditur se diskutimet janë përqendruar vetëm te organizimi i protestës, duke e cilësuar atë si vetëm fillimin e një procesi politik. Ai ftoi anëtarët të shprehin lirshëm sugjerime dhe kritika.
Gjatë diskutimeve, Lisander Hoxha deklaroi se Soros përbën rrezik për demokracinë dhe kërkoi që në strukturat e PD të mos ketë persona të lidhur me këtë organizatë. Aulon Kalaja u shpreh në të njëjtën linjë, duke kërkuar që Soros të shpallet “non grata” nga qeveria e ardhshme, që PD të pozicionohet qartazi si parti konservatore e djathtë, si dhe ngritjen e një komisioni hetimor për mënyrën se si u morën firmat e PD për Shabanin në procesin e zgjedhjes së Avokatit të Popullit.
