Mbledhja e Gjyqtarëve do të shqyrtojë kërkesën e kryebashkiakut të Tiranës, Erion Veliaj, lidhur me vendimin nëse çështja e tij do të kalojë ose jo për shqyrtim në seancë gjyqësore.
Veliaj ka paraqitur kërkesë për shfuqizimin e vendimit që i ka caktuar masën e sigurisë “arrest me burg”, duke kërkuar lirimin nga qelia. Për këtë arsye, Mbledhja e Gjyqtarëve ka vendosur të marrë në konsideratë kërkesën e tij dhe të vendosë nëse ajo do të shqyrtohet në një seancë gjyqësore.
Kujtojmë se në nëntor të vitit të kaluar, ekipi i mbrojtjes së kryebashkiakut depozitoi një ankim në Gjykatën Kushtetuese, ku kërkohet shfuqizimi i vendimeve të marra nga Gjykata e Posaçme, Apeli i Posaçëm dhe Gjykata e Lartë, të cilat kanë lënë në fuqi masën e sigurisë “arrest në burg” ndaj tij.
Sipas Veliajt, këto vendime janë dhënë në shkelje të Kushtetutës, pasi gjatë procesit të caktimit të masës së sigurimit janë shkelur e drejta për një proces të rregullt ligjor, parimi i proporcionalitetit të masës dhe prezumimi i pafajësisë.
