Veliaj del nga qelia për herë të dytë që nga shkurti, kërkon akses në dosjen e tij
Seanca paraprake për dosjen e Erion Veliajt në GJKKO u shty sërish. Veliaj, i pranishëm në sallë, u shpreh se i është mohuar e drejta për t’u njohur me aktet e dosjes, duke e konsideruar këtë shkelje brutale të të drejtës për mbrojtje efektive. Ai theksoi se mbajtja në “kafaz” gjatë seancës është trajtim degradues dhe poshtërues.
Veliaj kërkoi që të pajisej me mjete teknologjike në burg ose të lejohej të vinte çdo ditë në gjykatë për të studiuar dosjen. Ai ndodhet në paraburgim që nga muaji shkurt, i akuzuar për pastrim parash, mosdeklarim pasurie, korrupsion pasiv në 9 episode, shpërdorim detyre dhe futje të sendeve të ndaluara në qeli.
