Lëvizja BASHKË zhvilloi sot protestën e tretë kombëtare kundër korrupsionit dhe varfërisë, duke e kthyer sërish sheshin përpara institucioneve në një tribunë denoncimi ndaj asaj që e cilëson kapje të shtetit nga krimi dhe oligarkia.
Në fjalën e tyre, drejtuesit e lëvizjes dhe kryetari Arlind Qori u fokusuan te nevoja për një reagim të fortë qytetar përballë aferave të njëpasnjëshme të zyrtarëve dhe drejtuesve të lartë të shtetit, të cilat, sipas tyre, po ushqejnë një indinjatë gjithnjë e më të madhe shoqërore.
Sipas Lëvizjes BASHKË, korrupsioni i institucionalizuar dhe varfëria në rritje janë dy anë të së njëjtës medalje, pasojë e një sistemi që ka humbur lidhjen me interesin publik dhe që funksionon në shërbim të pakicës.
Në përmbyllje të protestës, u theksua se Lëvizja BASHKË synon të jetë mjeti përmes të cilit qytetarët e këtij vendi të sjellin ndryshime të mëdha shoqërore dhe politike, duke e zhvendosur vëmendjen nga retorika boshe te veprimi konkret qytetar.
