Kuvendi i Shqipërisë rrëzoi sot me 82 vota kërkesën e SPAK për dhënien e autorizimit për arrestimin e ish-zëvendëskryeministres Belinda Balluku.
Në procesin e votimit u vu re mungesa e katër deputetëve nga radhët e maxhorancës: vetë Belinda Balluku, kryetarja e Kuvendit Elisa Spiropali, deputeti Fatmir Xhafaj dhe ministri Blendi Gonxhe. Sipas informacioneve zyrtare, vetëm Gonxhe ishte i justifikuar pasi ndodhet jashtë vendit për një udhëtim pune.
Për të arritur shumicën prej 82 votash, socialistëve iu bashkuan edhe tre deputetë të partisë së Tom Doshit, duke bërë të mundur rrëzimin e kërkesës së SPAK.
Me këtë vendim, Parlamenti nuk i dha autorizim prokurorisë për arrestimin e Ballukut, ndërsa hetimet e SPAK mbi çështjen vijojnë sipas procedurave.
