Friday, 30 October 2026
Dërgo denoncim anonim
English

EKSKLUZIVE

Më shumë
Politika 22 January 2026, 10:53 Nga VNA

Kuvendi miraton me procedurë të përshpejtuar shqyrtimin e ftesës së Trump për Bordin e Paqes

Ndaje në Whatsapp
Kuvendi miraton me procedurë të përshpejtuar shqyrtimin e

Me 80 vota pro dhe 22 kundër, Kuvendi i Shqipërisë ka miratuar kërkesën e grupit parlamentar të Partisë Demokratike për shqyrtimin me procedurë të përshpejtuar të çështjes që lidhet me ftesën e presidentit amerikan Donald Trump për pjesëmarrjen e Shqipërisë në Bordin e Paqes.

Gjatë seancës plenare, kreu i Kuvendit, Niko Peleshi, bëri të ditur se seanca do të shtyhej me një orë, duke sqaruar se paraprakisht duhet të mblidhet Komisioni për Europën dhe Punët e Jashtme për të shqyrtuar çështjen në fjalë.

Sipas Peleshit, vetëm pas diskutimit dhe qëndrimit të komisionit përkatës, projektligji do të rikthehet për shqyrtim dhe votim në seancë plenare.

Lexo gjithashtu

Video

Një seancë parlamentare në Armeni është shndërruar në një përplasje fizike mes deputetëve të mazhorancës dhe opozitës. Gjatë tensioneve në sallën e Parlamentit, ligjvënësit janë përfshirë në një konflikt të ashpër, ku situata ka degraduar deri në përdorimin e karrigeve kundër njëri-tjetrit.

Një person që po arratisej nga policia është përplasur me shpejtësi të lartë me një kamion të kompanisë FedEx, teksa kalonte në një kryqëzim në shtetin e Iowa-s, në SHBA.

Një garë e veçantë sportive është zhvilluar në qytetin Aberdeen të Skocisë, ku pjesëmarrësit kanë konkurruar duke ecur me duar, me kokën poshtë dhe këmbët lart. Fituese e garës është shpallur një trajnere e CrossFit-it, e cila më parë kishte marrë titullin “Gruaja më në formë fizike në Mbretërinë e Bashkuar”. Aktiviteti ka vënë në provë forcën fizike, ekuilibrin dhe qëndrueshmërinë e pjesëmarrësve.

Tre persona kanë humbur jetën dhe pesë të tjerë janë plagosur si pasojë e shembjes së një formacioni shkëmbor në zonën turistike të Kapadokias, në Turqi. Ngjarja ka ndodhur në zonën e muzeut të hapur të Göreme-s, një nga vendet më të njohura turistike të rajonit. Sipas raportimeve, një pjesë e një shkëmbi të madh, i njohur në këtë zonë si “oxhaku i zanave”, është shembur, duke zënë poshtë disa persona. Menjëherë pas ngjarjes, në vendngjarje kanë mbërritur ekipet e emergjencës dhe të kërkim-shpëtimit, të cilat kanë nisur punën për nxjerrjen e personave të mbetur nën dhe dhe gurë.

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme