Gjykata Kushtetuese pritet të dalë sot me një vendim për çështjen “Balluku”, pas ankimimit të qeverisë kundër vendimit të GJKKO-së për pezullimin nga detyra të Belinda Ballukut.
Tetë gjyqtarët do të mblidhen në Dhomë Këshillimi, nën drejtimin e kryetares Fiona Papajorgji, për herë të dytë për këtë çështje.
Në fokus të vendimmarrjes është ligjshmëria e pezullimit të një ministri dhe interpretimi i nenit 103 të Kushtetutës mbi imunitetin e anëtarëve të qeverisë.
