Kreu i grupit parlamentar të PD-së, Gazment Bardhi, ka reaguar për vendimin e Gjykatës Kushtetuese, e cila rrëzoi aktin e parë të Legjislaturës së re të Kuvendi i Shqipërisë.
Përmes një postimi në Facebook, Bardhi shprehet se Kushtetuesja konstatoi “dhunimin brutal të rregullave të parlamentarizmit”, duke sanksionuar cenimin e parimit të demokracisë përfaqësuese, lirinë e shprehjes së deputetëve, si dhe shkeljen e procedurave për thirrjen e mbledhjes së Kuvendit dhe miratimin e akteve.
Sipas tij, situata është përkeqësuar në pikën që mazhoranca, ende pa u shpallur zyrtarisht vendimi i plotë i Gjykatës Kushtetuese, ka paralajmëruar se do ta miratojë sërish të njëjtin akt, pa diskutim.
Ai thekson se cenimi i parimeve të balancës dhe dialogut institucional nuk duhet të kalojë në heshtje, duke kërkuar reagim të qartë në mbrojtje të standardeve europiane.
