Zgjedhja e drejtuesit të ri të Prokurorisë së Posaçme ka tërhequr vëmendjen më të madhe diplomatike të viteve të fundit.
Seanca plenare për intervistimin dhe votimin e kandidatëve që do të zhvillohet ditën e enjte në orën 09:00, pritet një pjesëmarrje e lartë diplomatike, përfaqësues të një numri të madh ambasadash, mes tyre SHBA, Gjermania, Mbretëria e Bashkuar, Franca dhe Italia.
KLP bën me dije se intervistat do të zhvillohen në rend alfabetik, ku secili kandidat ka në dispozicion 45 minuta, ndërsa i gjithë procesi do të transmetohet drejtpërdrejt nga RTSH. Gazetarët do të jenë të akomoduar në sallë, ndërsa kameramanëve do t’u lejohet të filmojnë vetëm pamjet hyrëse para fillimit të seancës.
Katër kandidatët që do t’i nënshtrohen seancës dëgjimore janë:
Adnan Xholi
Doloreza Musabelliu
Elvin Gokaj
Klodian Braho
Procesi për zgjedhjen e kreut të SPAK vlerësohet si vendimtar për vijimin e luftës kundër korrupsionit dhe krimit të organizuar në vend. Pjesëmarrja e gjerë diplomatike pritet të theksojë rëndësinë dhe transparencën e këtij procesi.
